IPL 2020 2nd Match: ਦਿੱਲੀ ਕੈਪਿਟਲਸ vs ਕਿੰਗਜ਼ ਇਲੈਵਨ ਪੰਜਾਬ ਹੋਣਗੇ ਆਮਣੇ-ਸਾਮ੍ਹਣੇ, ਜਾਣੋ, ਪਲੇਇੰਗ ਇਲੈਵਨ, ਪਿਚ ਤੇ ਮੌਸਮ ਦਾ ਹਾਲ

ਆਈਪੀਐਲ ਦੇ ਦੂਜੇ ਮੁਕਾਬਲੇ ਵਿਚ ਕਿੰਗਜ਼ ਇਲੈਵਨ ਪੰਜਾਬ ਦਾ ਮੁਕਾਬਲਾ ਦਿੱਲੀ ਕੈਪਿਟਲਸ ਨਾਲ ਹੋਵੇਗਾ. ਦੋਵੇਂ ਹੀ ਟੀਮਾਂ ਇਸ ਸੀਜ਼ਨ ਦੀ ਸ਼ੁਰੂਆਤ ਜਿੱਤ ਦੇ ਨਾਲ ਕਰਣ ਲਈ ਪੂਰਾ ਜ਼ੋਰ ਲਾਉਣਗੀਆਂ. ਦਿੱਲੀ ਕੈਪਿਟਲਸ ਅਤੇ ਕਿੰਗਜ਼ ਇਲੈਵਨ ਪੰਜਾਬ ਦੋਵੇਂ ਹੀ ਟੀਮਾਂ ਕਾਗਜ਼ 'ਤੇ ਕਾਫ਼ੀ ਵਧੀਆ ਨਜ਼ਰ ਆ ਰਹੀਆਂ ਹਨ. ਦਿੱਲੀ ਨੇ ਟੀਮ ਵਿਚ ਕਾਫ਼ੀ ਵਧੀਆ ਸਪਿਨ ਗੇਂਦਬਾਜ਼ਾਂ ਨੂੰ ਸ਼ਾਮਿਲ ਕੀਤਾ ਹੈ, ਜੋ ਕਿ ਉਨ੍ਹਾਂ ਦੀ ਟੀਮ ਲਈ ਵਿਸ਼ਵਾਸ ਵਧਾਉਣ ਦਾ ਕੰਮ ਕਰੇਗਾ ਜਦੋਂਕਿ ਦੂਜੇ ਪਾਸੇ, ਪੰਜਾਬ ਕੋਲ ਗੇਂਦਬਾਜ਼ੀ ਵਿਚ ਇੰਨ੍ਹੇ ਵਿਕਲਪ ਮੌਜੂਦ ਨਹੀਂ ਹਨ. ਪਰ ਫਿਰ ਵੀ ਇਹ ਟੀਮ ਕੇਐਲ ਰਾਹੁਲ, ਕ੍ਰਿਸ ਗੇਲ, ਗਲੈਨ ਮੈਕਸਵੈਲ ਅਤੇ ਜੇਮਸ ਨੀਸ਼ਮ ਵਰਗੇ ਖਿਡਾਰੀਆਂ ਦੀ ਮੌਜੂਦਗੀ ਨਾਲ ਤਾਕਤਵਰ ਨਜ਼ਰ ਆ ਰਹੀ ਹੈ

ਜੇਕਰ ਅਸੀਂ ਦਿੱਲੀ ਕੈਪਿਟਲਸ ਨਾਲ ਤੁਲਨਾ ਕਰੀਏ ਤਾਂ ਇਹ ਵੇਖਣਾ ਦਿਲਚਸਪ ਹੋਵੇਗਾ ਕਿ ਪੰਜਾਬ ਦੀ ਟੀਮ ਕਿਹੜ੍ਹੇ ਬੱਲੇਬਾਜ਼ਾਂ ਨੂੰ ਆਪਣੇ ਮੱਧ ਕ੍ਰਮ ਵਿਚ ਮੌਕਾ ਦਿੰਦੀ ਹੈ, ਕਿਉਂਕਿ ਬੈਟਿੰਗ ਆੱਰਡਰ ਨੂੰ ਲੈਕੇ ਕਪਤਾਨ ਕੇਐਲ ਰਾਹੁਲ ਅਤੇ ਕੋਚ ਅਨਿਲ ਕੁੰਬਲੇ ਨੂੰ ਮਜ਼ਬੂਤ ਰਣਨੀਤੀ ਬਣਾਉਣ ਦੀ ਲੋੜ੍ਹ ਹੋਵੇਗੀ. 

ਕਿੰਗਜ਼ ਇਲੈਵਨ ਪੰਜਾਬ - ਕੇਐਲ ਰਾਹੁਲ ਪਹਿਲੀ ਵਾਰ ਪੂਰੇ ਆਈਪੀਐਲ ਵਿਚ ਕਿਸੇ ਟੀਮ ਦੀ ਕਪਤਾਨੀ ਕਰਦੇ ਹੋਏ ਨਜ਼ਰ ਆਉਣਗੇ ਅਤੇ ਪੰਜਾਬ ਦੀ ਟੀਮ ਉਹਨਾਂ ਦੀ ਅਗਵਾਈ ਵਿਚ ਕਾਫੀ ਮਜ਼ਬੂਤ ਨਜਰ ਆ ਰਹੀ ਹੈ ਤੇ ਜੇ ਅਨਿਲ ਕੁੰਬਲੇ ਤੇ ਕੇਐਲ ਰਾਹੁਲ ਦੀ ਜੋੜ੍ਹੀ ਦਾ ਤਾਲਮੇਲ ਤੇ ਪਲਾਨਿੰਗ ਸਟੀਕ ਰਹੀ ਤੇ ਇਹ ਟੀਮ ਪਹਿਲੀ ਵਾਰ ਆਈਪੀਐਲ ਦੀ ਟਰਾੱਫੀ ਜਿੱਤ ਸਕਦੀ ਹੈ.

ਕਿੰਗਜ਼ ਇਲੈਵਨ ਪੰਜਾਬ ਦੀ ਗੱਲ ਕਰੀਏ ਤਾਂ ਇਸ ਟੀਮ ਕੋਲ ਘਰੇਲੂ ਅਤੇ ਵਿਦੇਸ਼ੀ ਦੋਵੇਂ ਖਿਡਾਰਿਆਂ ਦੀ ਲਗਜ਼ਰੀ ਹੈ। ਕੇ ਐਲ ਰਾਹੁਲ, ਕ੍ਰਿਸ ਗੇਲ, ਨਿਕੋਲਸ ਪੂਰਨ, ਮਯੰਕ ਅਗਰਵਾਲ, ਗਲੇਨ ਮੈਕਸਵੈਲ ਅਤੇ ਸਰਫਰਾਜ਼ ਖਾਨ ਇਸ ਟੀਮ ਦੀ ਤਾਕਤ ਹਨ। ਮਨਦੀਪ ਸਿੰਘ ਇਕ ਹੋਰ ਪ੍ਰਤਿਭਾਵਾਨ ਖਿਡਾਰੀ ਹੈ ਅਤੇ ਪੰਜਾਬ ਦੀ ਟੀਮ ਚਾਹੇਗੀ ਕਿ ਇਸ ਸੀਜ਼ਨ ਵਿਚ ਉਹਨਾਂ ਦਾ ਵੀ ਵਧੀਆ ਤਰੀਕੇ ਨਾਲ ਇਸਤੇਮਾਲ ਕੀਾ ਜਾਵੇ.

ਜੇਕਰ ਇਸ ਟੀਮ ਦੇ ਸਪਿਨ ਡਿਪਾਰਟਮੇਂਟ ਦੀ ਗੱਲ ਕਰੀਏ ਤਾਂ ਵਿਰੋਧੀ ਬੱਲੇਬਾਜ਼ਾਂ ਨੂੰ ਪਰੇਸ਼ਾਨ ਕਰਨ ਲਈ ਪੰਜਾਬ ਦੀ ਟੀਮ ਕੋਲ ਮੁਜੀਬ-ਉਰ-ਰਹਿਮਾਨ, ਰਵੀ ਬਿਸ਼ਨੋਈ ਮੌਜੂਦ ਹਨ। ਮੁਹੰਮਦ ਸ਼ਮੀ ਅਤੇ ਈਸ਼ਾਨ ਪੋਰੇਲ ਤੇਜ਼ ਗੇਂਦਬਾਜ਼ੀ ਦੀ ਕਮਾਨ ਸੰਭਾਲਣਗੇ, ਹਾਲਾਂਕਿ, ਕਪਤਾਨ ਰਾਹੁਲ ਲਈ ਸ਼ੈਲਡਨ ਕੋਟਰੇਲ ਅਤੇ ਕ੍ਰਿਸ ਜਾਰਡਨ ਵਿਚੋਂ ਕਿਸੇ ਇੱਕ ਨੂੰ ਚੁਣਨਾ ਥੋੜ੍ਹਾ ਮੁਸ਼ਕਲ ਹੋਵੇਗਾ. ਜੇ ਕੋਟਰੇਲ ਨੂੰ ਪਲੇਇੰਗ ਇਲੈਵਨ ਵਿਚ ਮੌਕਾ ਦਿੱਤਾ ਜਾਂਦਾ ਹੈ ਤਾਂ ਉਹ ਨਵੀਂ ਗੇਂਦ ਨਾਲ ਪੰਜਾਬ ਲਈ ਵਿਕਟਾਂ ਲੈ ਸਕਦੇ ਹਨ, ਜਦੋਂ ਕਿ ਜੌਰਡਨ ਡੈਥ ਓਵਰਾਂ ਦੀ ਗੇਂਦਬਾਜ਼ੀ ਵਿਚ ਮਾਹਰ ਹਨ.

ਦਿੱਲੀ ਕੈਪਿਟਲਸ - ਸ਼੍ਰੇਅਸ ਅਇਯਰ ਦੀ ਅਗਵਾਈ ਵਿਚ ਦਿੱਲੀ ਦੀ ਟੀਮ  ਕਾਫੀ ਮਜ਼ਬੂਤ ਨਜਰ ਆ ਰਹੀ ਹੈ. ਟੀਮ ਦੀ ਬੱਲੇਬਾਜ਼ੀ ਇਸ ਟੀਮ ਦੀ ਤਾਕਤ ਹੈ. ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕੀ ਇਹ ਟੀਮ ਆਪਣਾ ਪਹਿਲਾ ਖਿਤਾਬ ਜਿੱਤ ਸਕਦੀ ਹੈ? ਹਾਲਾਂਕਿ, ਟੀਮ ਲਈ ਚੰਗੀ ਖਬਰ ਇਹ ਹੈ ਕਿ ਫਿਲਹਾਲ ਦਿੱਲੀ ਦੇ ਕੈਂਪ ਵਿਚ ਕਿਸੇ ਵੀ ਖਿਡਾਰੀ ਨੂੰ ਕੋਈ ਸੱਟ ਲੱਗਣ ਦੀ ਖ਼ਬਰ ਨਹੀਂ ਹੈ.

ਦਿੱਲੀ ਕੈਪਿਟਲਸ ਨੂੰ ਇਸ ਵਾਰ ਖਿਤਾਬ ਦਾ ਪ੍ਰਬਲ ਦਾਅਵੇਦਾਰ ਮੰਨਿਆ ਜਾ ਰਿਹਾ ਹੈ. ਇਸ ਟੀਮ ਨੂੰ ਕਾਫ਼ੀ ਸਾਰੇ ਮਾਹਰਾਂ ਅਤੇ ਪ੍ਰਸ਼ੰਸਕਾਂ ਦਾ ਸਮਰਥਨ ਮਿਲ ਰਿਹਾ ਹੈ। ਇਸ ਟੀਮ ਦੀ ਤਾਕਤ ਇਸ ਵਾਰ ਭਾਰਤੀ ਬੱਲੇਬਾਜ਼ਾਂ ਦੀ ਮੌਜੂਦਗੀ ਹੈ, ਇਸ ਟੀਮ ਵਿਚ ਕਈ ਵੱਡੇ ਭਾਰਤੀ ਸਿਤਾਰੇ ਸ਼ਾਮਿਲ ਹਨ ਜੋ ਕਿ ਇਸ ਟੀਮ ਦੀ ਤਾਕਤ ਮੰਨੇ ਜਾ ਰਹੇ ਹਨ. ਸ਼ਿਖਰ ਧਵਨ, ਪ੍ਰਿਥਵੀ ਸ਼ਾ, ਕਪਤਾਨ ਸ਼੍ਰੇਅਸ ਅਈਅਰ, ਅਤੇ ਰਿਸ਼ਭ ਪੰਤ ਵਰਗੇ ਖਿਡਾਰੀ ਇਸ ਟੀਮ ਦੇ ਲਈ ਮੈਚ ਜਿਤਾਉ ਪਾਰੀਆਂ ਖੇਡ ਸਕਦੇ ਹਨ।

ਜੇ ਇਸ ਟੀਮ ਦੇ ਮੱਧ ਕ੍ਰਮ ਦੀ ਗੱਲ ਕਰੀਏ ਤਾਂ ਦਿੱਲੀ ਦੇ ਕੋਲ ਹੇਠਲੇ ਕ੍ਰਮ ਵਿਚ ਸ਼ਿਮਰਨ ਹੇਟਮਾਇਰ, ਮਾਰਕਸ ਸਟੋਇਨੀਸ, ਐਲੈਕਸ ਕੈਰੀ ਅਤੇ ਲਲਿਤ ਯਾਦਵ ਦੇ ਰੂਪ ਵਿਚ ਸ਼ਾਨਦਾਰ ਬੱਲੇਬਾਜ਼ ਮੌਜੂਦ ਹਨ. ਜਿੱਥੋਂ ਤਕ ਗੇਂਦਬਾਜ਼ੀ ਵਿਭਾਗ ਦੀ ਗੱਲ ਹੈ ਤਾਂ ਦਿੱਲੀ ਕੈਪਿਟਲਸ ਵਿੱਚ ਤੇਜ਼ ਗੇਂਦਬਾਜ਼ਾਂ ਵਿੱਚ ਇਸ਼ਾਂਤ ਸ਼ਰਮਾ, ਕਾਗੀਸੋ ਰਬਾਡਾ, ਹਰਸ਼ਲ ਪਟੇਲ, ਐਨਰੀਕ ਨੌਰਟਜੇ ਅਤੇ ਡੈਨੀਅਲ ਸੈਮਸ ਸ਼ਾਮਲ ਹਨ। ਸੰਦੀਪ ਲਾਮੀਛਨੇ, ਰਵੀਚੰਦਰਨ ਅਸ਼ਵਿਨ, ਅਕਸ਼ਰ ਪਟੇਲ ਅਤੇ ਅਮਿਤ ਮਿਸ਼ਰਾ ਦੀ ਮੌਜੂਦਗੀ ਨਾਲ ਸਪਿਨ ਗੇਂਦਬਾਜ਼ੀ ਵਿਭਾਗ ਵੀ ਕਾਫ਼ੀ ਮਜਬੂਤ ਨਜਰ ਆ ਰਿਹਾ ਹੈ, ਜੋ ਯੂਏਈ ਦੀ ਧੀਮੀ ਪਿਚਾਂ ਦੇ ਉੱਤੇ ਬੱਲੇਬਾਜ਼ਾਂ ਨੂੰ ਪਰੇਸ਼ਾਨ ਕਰ ਸਕਦੇ ਹਨ।

Head-to-head:

ਕੁਲ ਮੈਚ- 24

ਕਿੰਗਜ਼ ਇਲੈਵਨ ਪੰਜਾਬ- 14

ਦਿੱਲੀ ਕੈਪਿਟਲਸ- 10

ਮੌਸਮ ਦੀ ਰਿਪੋਰਟ

ਦੁਬਈ ਦਾ ਮੌਸਮ ਲਗਭਗ 35 ਡਿਗਰੀ ਸੈਲਸੀਅਸ ਰਹਿਣ ਦਾ ਅਨੁਮਾਨ ਹੈ. ਅਤੇ ਮੈਚ ਦੇ ਦੌਰਾਨ ਬਾਰਿਸ਼ ਹੋਣ ਦੀ ਕੋਈ ਸੰਭਾਵਨਾ ਨਹੀਂ ਹੈ.

ਪਿੱਚ ਰਿਪੋਰਟ

ਟੀ -20 ਵਿਚ ਦੁਬਈ ਵਿਖੇ 1stਸਤਨ ਪਹਿਲੀ ਪਾਰੀ ਦਾ ਸਕੋਰ 144 ਹੈ ਜੋ ਦੱਸਦਾ ਹੈ ਕਿ ਪਿੱਚ ਹੌਲੀ ਪਾਸੇ ਹੋ ਸਕਦੀ ਹੈ. ਦੂਜੀ ਪਾਰੀ ਵਿੱਚ ਬੱਲੇਬਾਜ਼ੀ ਕਰਨਾ ਇੱਕ ਚੁਣੌਤੀ ਹੋਵੇਗੀ।

ਸੰਭਾਵਤ ਪਲੇਇੰਗ ਇਲੈਵਨ

ਕਿੰਗਜ਼ ਇਲੈਵਨ ਪੰਜਾਬ - ਕੇ ਐਲ ਰਾਹੁਲ (ਕਪਤਾਨ ਅਤੇ ਵਿਕਟਕੀਪਰ), ਕ੍ਰਿਸ ਗੇਲ, ਮੁਹੰਮਦ ਸ਼ਮੀ, ਮਨਦੀਪ ਸਿੰਘ, ਮੁਜੀਬ ਉਰ ਰਹਿਮਾਨ, ਮਯੰਕ ਅਗਰਵਾਲ, ਗਲੇਨ ਮੈਕਸਵੈਲ / ਜੇਮਸ ਨੀਸ਼ਮ, ਕ੍ਰਿਸ਼ਨੱਪਾ ਗੋਥਮ, ਦੀਪਕ ਹੁੱਡਾ, ਕ੍ਰਿਸ ਜੋਰਡਨ / ਸ਼ੈਲਡਨ ਕੋਟਰੇਲ, ਈਸ਼ਾਨ ਪੋਰੇਲ

ਦਿੱਲੀ ਕੈਪਿਟਲਸ - ਸ਼੍ਰੇਅਸ ਅਈਅਰ (ਕਪਤਾਨ), ਸ਼ਿਖਰ ਧਵਨ, ਰਿਸ਼ਭ ਪੰਤ (ਵਿਕਟਕੀਪਰ), ਪ੍ਰਿਥਵੀ ਸ਼ਾੱ, ਮਾਰਕਸ ਸਟੋਇਨੀਸ, ਰਵੀਚੰਦਰਨ ਅਸ਼ਵਿਨ, ਅਕਸ਼ਰ ਪਟੇਲ / ਕੀਮੋ ਪਾਲ, ਕਾਗੀਸੋ ਰਬਾਡਾ, ਸੰਦੀਪ ਲਮੀਛਨੇ / ਅਮਿਤ ਮਿਸ਼ਰਾ, ਇਸ਼ਾਂਤ ਸ਼ਰਮਾ, ਸ਼ਿਮਰਨ ਹੇਟਮਾਇਰ

ਜੇਕਰ ਕੁੱਲ ਮਿਲਾ ਕੇ ਦੇਖਿਆ ਜਾਵੇ ਤਾਂ ਦਿੱਲੀ ਕੈਪਿਟਲਸ ਦੀ ਟੀਮ ਕਾਗਜ਼ 'ਤੇ ਥੋੜ੍ਹੀ ਜਿਹੀ ਚੰਗੀ ਨਜ਼ਰ ਆਉਂਦੀ ਹੈ. ਪਰ ਜੇ ਦੋਵਾਂ ਟੀਮਾਂ ਦੀ ਬੱਲੇਬਾਜ਼ੀ ਤੇ ਨਜ਼ਰ ਮਾਰੀਏ ਤਾਂ ਦੋਵੇਂ ਹੀ ਟੀਮਾਂ ਬਰਾਬਰ ਨਜ਼ਰ ਆਉਂਦੀਆਂ ਹਨ. ਇਸ ਮੈਚ ਵਿਚ ਬਹੁਤ ਕੁਝ ਇਸ ਗੱਲ 'ਤੇ ਵੀ ਨਿਰਭਰ ਕਰੇਗਾ ਕਿ ਦੋਵੇਂ ਟੀਮਾਂ ਦੇ ਗੇਂਦਬਾਜ਼ ਕਿਹੋ ਜਿਹਾ ਪ੍ਰਦਰਸ਼ਨ ਕਰਦੇ ਹਨ. ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕਿਹੜ੍ਹੀ ਟੀਮ ਇਸ ਸੀਜ਼ਨ ਦੀ ਸ਼ੁਰੂਆਤ ਜਿੱਤ ਨਾਲ ਕਰਦੀ ਹੈ.