IPL 2020: ਚੇਨਈ ਸੁਪਰ ਕਿੰਗਜ਼ ਦੇ 12 ਮੈਂਬਰ ਹੋਏ ਕੋਰੋਨਾ ਪੋਜ਼ੀਟਿਵ, ਇਕ ਭਾਰਤੀ ਕ੍ਰਿਕਟਰ ਵੀ ਸ਼ਾਮਲ

ਇੰਡੀਅਨ ਪ੍ਰੀਮੀਅਰ ਲੀਗ 2020 ਤੋਂ ਚੇਨਈ ਸੁਪਰ ਕਿੰਗਜ਼ ਦੇ ਪ੍ਰਸ਼ੰਸਕਾਂ ਲਈ ਬੁਰੀ ਖ਼ਬਰ ਆਈ ਹੈ। ਚੇਨਈ ਸੁਪਰ ਕਿੰਗਜ਼ ਦੇ ਘੱਟੋ ਘੱਟ 12 ਮੈਂਬਰ ਇੱਕ ਭਾਰਤੀ ਖਿਡਾਰੀ ਸਮੇਤ ਕੋਰੋਨਾ ਟੈਸਟ ਵਿੱਚ ਪਾੱਜ਼ੀਟਿਵ ਆਏ ਹਨ. ਕੋਰੋਨਾ ਪਾੱਜ਼ੀਟਿਵ ਪਾਏ ਗਏ ਉਹਨਾਂ ਵਿੱਚ ਸਹਾਇਕ ਸਟਾਫ ਵੀ ਸ਼ਾਮਿਲ ਹੈ.

ਹਾਲਾਂਕਿ, ਕਿਸੇ ਵੀ ਮੈਂਬਰ ਦਾ ਨਾਮ ਸਾਹਮਣੇ ਨਹੀਂ ਆਇਆ ਹੈ। ਵੀਰਵਾਰ ਨੂੰ, ਟੀਮ ਨੇ ਸਾਰੇ ਖਿਡਾਰੀਆਂ ਸਮੇਤ ਸਮੁੱਚੇ ਸਪੋਰਟ ਸਟਾਫ ਦਾ ਟੈਸਟ ਲਿਆ ਸੀ. ਜਿਸਦੀ ਰਿਪੋਰਟ ਅੱਜ ਆਈ ਹੈ।

ਇਸ ਵੱਡੀ ਸਮੱਸਿਆ ਦੇ ਮੱਦੇਨਜ਼ਰ ਚੇਨਈ ਨੇ ਕਵਾਰੰਟੀਨ ਦੇ ਦਿਨਾਂ ਨੂੰ 1 ਸਤੰਬਰ ਤੱਕ ਵਧਾ ਦਿੱਤਾ ਹੈ। ਇਸ ਦੇ ਅਨੁਸਾਰ, ਹੁਣ ਚੇਨਈ ਸੁਪਰ ਕਿੰਗਜ਼ ਦੀ ਟੀਮ ਸਾਰੀਆਂ ਆਈਪੀਐਲ ਟੀਮਾਂ ਵਿਚ ਅਭਿਆਸ ਸ਼ੁਰੂ ਕਰਨ ਵਾਲੀ ਆਖਰੀ ਟੀਮ ਹੋਵੇਗੀ. ਚੇਨਈ ਦੀ ਟੀਮ 21 ਅਗਸਤ ਨੂੰ ਦੁਬਈ ਪਹੁੰਚੀ ਸੀ। ਫਿਲਹਾਲ, ਚੇਨਈ ਸੁਪਰਕਿੰਗਜ਼ ਦੀ ਟੀਮ 'ਤਾਜ ਦੁਬਈ' ਹੋਟਲ ਵਿਚ ਠਹਿਰੀ ਹੈ.

ਦੱਸ ਦੇਈਏ ਕਿ ਯੂਏਈ ਆਉਣ ਤੋਂ ਪਹਿਲਾਂ ਚੇਨਈ ਸੁਪਰ ਕਿੰਗਜ਼ ਨੇ ਚੇਨਈ ਵਿੱਚ 5 ਰੋਜ਼ਾਂ ਟ੍ਰੇਨਿੰਗ ਕੈਂਪ ਲਗਾਇਆ ਸੀ। ਜਿਸ ਵਿੱਚ ਐਮਐਸ ਧੋਨੀ, ਸੁਰੇਸ਼ ਰੈਨਾ, ਦੀਪਕ ਚਾਹਰ, ਅੰਬਤੀ ​​ਰਾਇਡੂ, ਪਿਯੂਸ਼ ਚਾਵਲਾ ਅਤੇ ਗੇਂਦਬਾਜ਼ੀ ਕੋਚ ਲਕਸ਼ਮੀਪਤੀ ਬਾਲਾਜੀ ਸ਼ਾਮਲ ਸਨ।