IPL 2022: ਲਖਨਊ ਨੇ ਦਿੱਲੀ ਕੈਪੀਟਲਜ਼ ਨੂੰ ਰੋਮਾਂਚਕ ਮੈਚ 'ਚ 6 ਦੌੜਾਂ ਨਾਲ ਹਰਾਇਆ, ਪੁਆਇੰਟ ਟੇਬਲ 'ਚ ਹੋਈ ਉਥਲ-ਪੁਥਲ

Lucknow supergiants beat delhi capitals by 6 runs to reach 2nd spot : ਕਪਤਾਨ ਕੇਐਲ ਰਾਹੁਲ (77) ਅਤੇ ਦੀਪਕ ਹੁੱਡਾ (52) ਦੇ ਅਰਧ ਸੈਂਕੜੇ ਅਤੇ ਮੋਹਸਿਨ ਖਾਨ (4/16) ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੇ ਚਲਦਿਆਂ ਲਖਨਊ ਨੇ ਦਿੱਲੀ ਨੂੰ 6 ਦੌੜ੍ਹਾਂ ਨਾਲ

ਦਿੱਲੀ ਕੈਪੀਟਲਜ਼ ਬਨਾਮ ਲਖਨਊ ਸੁਪਰ ਜਾਇੰਟਸ: ਕਪਤਾਨ ਕੇਐਲ ਰਾਹੁਲ (77) ਅਤੇ ਦੀਪਕ ਹੁੱਡਾ (52) ਦੇ ਅਰਧ ਸੈਂਕੜੇ ਅਤੇ ਮੋਹਸਿਨ ਖਾਨ (4/16) ਦੀ ਸ਼ਾਨਦਾਰ ਗੇਂਦਬਾਜ਼ੀ ਨੇ ਐਤਵਾਰ ਨੂੰ ਇੱਥੇ ਵਾਨਖੇੜੇ ਸਟੇਡੀਅਮ ਵਿੱਚ ਖੇਡੇ ਗਏ ਆਈਪੀਐਲ 2022 ਦੇ ਮੈਚ ਵਿੱਚ ਲਖਨਊ ਸੁਪਰ ਜਾਇੰਟਸ ਨੂੰ ਜਿੱਤ ਹਾਸਲ ਕਰਨ ਵਿਚ ਮਦਦ ਕੀਤੀ। ਲਖਨਊ ਨੇ ਦਿੱਲੀ ਕੈਪੀਟਲਜ਼ ਨੂੰ 20 ਓਵਰਾਂ ਵਿੱਚ ਸੱਤ ਵਿਕਟਾਂ 'ਤੇ 189 ਦੌੜਾਂ 'ਤੇ ਰੋਕ ਦਿੱਤਾ ਅਤੇ ਮੈਚ 6 ਦੌੜਾਂ ਨਾਲ ਜਿੱਤ ਲਿਆ।

ਇਸ ਦੇ ਨਾਲ ਹੀ ਲਖਨਊ ਦੀ ਟੀਮ ਅੰਕਾਂ ਸੂਚੀ ਵਿੱਚ ਦੂਜੇ ਸਥਾਨ 'ਤੇ ਪਹੁੰਚ ਗਈ ਹੈ। ਦਸ ਮੈਚਾਂ ਵਿੱਚ ਲਖਨਊ ਦੀ ਇਹ ਸੱਤਵੀਂ ਜਿੱਤ ਹੈ ਅਤੇ ਉਸਦੇ 14 ਅੰਕ ਹਨ। ਇਸ ਮੈਚ ਵਿਚ ਮੋਹਸਿਨ ਖਾਨ ਨੇ ਲਖਨਊ ਲਈ 4 ਸਫਲਤਾਵਾਂ ਹਾਸਲ ਕੀਤੀਆਂ। ਇਸ ਦੇ ਨਾਲ ਹੀ ਦੁਸ਼ਮੰਥਾ ਚਮੀਰਾ, ਕ੍ਰਿਸ਼ਨੱਪਾ ਗੌਤਮ ਅਤੇ ਰਵੀ ਬਿਸ਼ਨੋਈ ਨੇ ਇਕ-ਇਕ ਵਿਕਟ ਲਈ।

ਟੀਚੇ ਦਾ ਪਿੱਛਾ ਕਰਨ ਉਤਰੀ ਦਿੱਲੀ ਕੈਪੀਟਲਜ਼ ਨੂੰ ਦੋ ਸ਼ੁਰੂਆਤੀ ਝਟਕੇ ਲੱਗੇ ਕਿਉਂਕਿ ਦੋਵੇਂ ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਅ (5) ਅਤੇ ਡੇਵਿਡ ਵਾਰਨਰ (3) ਜਲਦੀ ਹੀ ਪੈਵੇਲੀਅਨ ਪਰਤ ਗਏ ਪਰ ਮਿਸ਼ੇਲ ਮਾਰਸ਼ ਅਤੇ ਕਪਤਾਨ ਰਿਸ਼ਭ ਪੰਤ ਨੇ ਧਮਾਕੇਦਾਰ ਪਾਰੀ ਖੇਡੀ ਅਤੇ ਪਾਵਰਪਲੇ ਦੇ ਅੰਤ ਤੱਕ ਟੀਮ ਦਾ ਸਕੋਰ 66 ਦੌੜਾਂ 'ਤੇ ਪਹੁੰਚ ਗਿਆ। ਹਾਲਾਂਕਿ 7.1 ਓਵਰਾਂ 'ਚ ਕ੍ਰਿਸ਼ਨੱਪਾ ਨੇ ਮਾਰਸ਼ (37) ਨੂੰ ਆਉਟ ਕਰ ਦਿੱਤਾ।

ਇਸ ਦੇ ਨਾਲ ਹੀ ਉਨ੍ਹਾਂ ਅਤੇ ਪੰਤ ਵਿਚਾਲੇ 25 ਗੇਂਦਾਂ 'ਚ 60 ਦੌੜਾਂ ਦੀ ਸਾਂਝੇਦਾਰੀ ਵੀ ਖਤਮ ਹੋ ਗਈ। ਪੰਜਵੇਂ ਨੰਬਰ 'ਤੇ ਆਏ ਲਲਿਤ ਯਾਦਵ (3) ਵੀ ਬਿਸ਼ਨੋਈ ਦੇ ਹੱਥੋਂ ਬੋਲਡ ਹੋ ਗਏ, ਜਿਸ ਨਾਲ ਦਿੱਲੀ ਨੂੰ 86 ਦੌੜਾਂ 'ਤੇ ਚੌਥਾ ਝਟਕਾ ਲੱਗਾ। ਟੀਮ ਨੂੰ ਜਿੱਤ ਲਈ ਅਜੇ 110 ਦੌੜਾਂ ਦੀ ਲੋੜ ਸੀ। ਛੇਵੇਂ ਸਥਾਨ 'ਤੇ ਆਏ ਰੋਵਮੈਨ ਪਾਵੇਲ ਨੇ ਕਪਤਾਨ ਪੰਤ ਦੇ ਨਾਲ ਟੀਚੇ ਦਾ ਪਿੱਛਾ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ 12ਵੇਂ ਓਵਰ 'ਚ ਗੌਤਮ ਦੀ ਗੇਂਦ 'ਤੇ ਛੱਕਾ ਲਗਾ ਕੇ ਟੀਮ ਦਾ ਸਕੋਰ 100 ਦੇ ਪਾਰ ਪਹੁੰਚਾਇਆ।

ਕਪਤਾਨ ਪੰਤ (44) ਨੂੰ 13ਵੇਂ ਓਵਰ 'ਚ ਮੋਹਸਿਨ ਨੇ ਬੋਲਡ ਕਰ ਦਿੱਤਾ, ਜਿਸ ਨਾਲ ਦਿੱਲੀ ਨੂੰ 120 ਦੌੜਾਂ 'ਤੇ ਪੰਜਵਾਂ ਝਟਕਾ ਲੱਗਾ। ਸੱਤਵੇਂ ਸਥਾਨ 'ਤੇ ਬੱਲੇਬਾਜ਼ੀ ਕਰਨ ਆਏ ਅਕਸ਼ਰ ਪਟੇਲ ਨੇ ਪਾਵੇਲ ਨਾਲ ਟੀਚੇ ਦੇ ਨੇੜੇ ਪਹੁੰਚਣ ਦੀ ਕੋਸ਼ਿਸ਼ ਕੀਤੀ। ਪਰ ਪਾਵੇਲ (35) ਅਤੇ ਸ਼ਾਰਦੁਲ ਠਾਕੁਰ (1) ਨੂੰ ਮੋਹਸਿਨ ਨੇ ਇਕ ਓਵਰ ਵਿਚ ਆਊਟ ਕਰਕੇ ਲਖਨਊ ਨੂੰ ਮੈਚ ਵਿਚ ਵਾਪਸੀ ਦਿਵਾਈ। ਇਸ ਤੋਂ ਬਾਅਦ ਅਕਸ਼ਰ ਵੀ ਟੀਮ ਨੂੰ ਜਿੱਤ ਨਾ ਦਿਵਾ ਸਕਿਆ।