ਸੁਰੇਸ਼ ਰੈਨਾ ਸਮੇਤ ਇਹ 4 ਵੱਡੇ ਖਿਡਾਰੀ ਹੋਏ ਆਈਪੀਐਲ 2020 ਤੋਂ ਬਾਹਰ, ਵੇਖੋ ਲਿਸਟ

ਸੁਰੇਸ਼ ਰੈਨਾ ਸਮੇਤ ਇਹ 4 ਵੱਡੇ ਖਿਡਾਰੀ ਹੋਏ ਆਈਪੀਐਲ 2020 ਤੋਂ ਬਾਹਰ, ਵੇਖੋ ਲਿਸਟ Images (BCCI)

ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) 2020 ਸੀਜ਼ਨ 19 ਸਤੰਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ. ਕੋਰੋਨਾਵਾਇਰਸ ਮਹਾਂਮਾਰੀ ਦੇ ਵੱਧ ਰਹੇ ਪ੍ਰਕੋਪ ਦੇ ਕਾਰਨ, ਬੀਸੀਸੀਆਈ ਇਸ ਵਾਰ ਭਾਰਤ ਦੇ ਬਜਾਏ ਯੂਏਈ ਵਿੱਚ ਇਸ ਦਾ ਆਯੋਜਨ ਕਰ ਰਿਹਾ ਹੈ. ਹਾਲਾਂਕਿ ਟੂਰਨਾਮੈਂਟ ਸ਼ੁਰੂ ਹੋਣ ਲਈ ਅਜੇ ਬਹੁਤ ਦਿਨ ਬਾਕੀ ਹਨ, ਪਰ ਬਹੁਤ ਸਾਰੇ ਵੱਡੇ ਖਿਡਾਰੀ ਟੂਰਨਾਮੈਂਟ ਤੋਂ ਬਾਹਰ ਹੋ ਗਏ ਹਨ. ਆਓ ਜਾਣਦੇ ਹਾਂ ਉਨ੍ਹਾਂ ਖਿਡਾਰੀਆਂ ਦੇ ਨਾਮ.

ਸੁਰੇਸ਼ ਰੈਨਾ

ਤਿੰਨ ਵਾਰ ਦੀ ਚੈਂਪੀਅਨ ਅਤੇ ਪਿਛਲੇ ਸਾਲ ਦੀ ਉਪ ਜੇਤੂ ਚੇਨਈ ਸੁਪਰ ਕਿੰਗਜ਼ ਦੇ ਮੁੱਖ ਖਿਡਾਰੀ ਸੁਰੇਸ਼ ਰੈਨਾ ਆਈਪੀਐਲ 2020 ਤੋਂ ਬਾਹਰ ਹੋ ਗਏ ਹਨ. ਰੈਨਾ ਨੇ ਨਿੱਜੀ ਕਾਰਨਾਂ ਕਰਕੇ ਪੂਰੇ ਟੂਰਨਾਮੈਂਟ ਤੋਂ ਆਪਣਾ ਨਾਮ ਵਾਪਸ ਲੈ ਲਿਆ ਹੈ। ਸੀਐਸਕੇ ਨੇ ਫਿਲਹਾਲ ਰੈਨਾ ਦੀ ਜਗ੍ਹਾ ਕਿਸੇ ਵੀ ਖਿਡਾਰੀ ਨੂੰ ਟੀਮ ਵਿਚ ਸ਼ਾਮਲ ਕਰਨ ਦਾ ਐਲਾਨ ਨਹੀਂ ਕੀਤਾ ਹੈ.

ਹੈਰੀ ਗੁਰਨੇ

ਕੋਲਕਾਤਾ ਨਾਈਟ ਰਾਈਡਰਜ਼ ਲਈ ਖੇਡਣ ਵਾਲੇ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਹੈਰੀ ਗੁਰਨੇ ਵੀ ਇਸ ਸੀਜ਼ਨ ਵਿਚ ਆਈਪੀਐਲ ਵਿਚ ਖੇਡਦੇ ਨਹੀਂ ਦਿਖਾਈ ਦੇਣਗੇ। ਮੋਢੇ ਦੀ ਸੱਟ ਕਾਰਨ ਗੁਰਨੇ ਟੂਰਨਾਮੈਂਟ ਤੋਂ ਬਾਹਰ ਹੋ ਗਏ ਸਨ. ਉਹਨਾਂ ਨੂੰ ਇੰਗਲੈਂਡ ਦੇ ਟੀ -20 ਟੂਰਨਾਮੈਂਟ ਟੀ -20 ਬਲਾਸਟ ਤੋਂ ਵੀ ਬਾਹਰ ਕਰ ਦਿੱਤਾ ਗਿਆ ਹੈ।

ਜੇਸਨ ਰਾੱਏ

ਇੰਗਲੈਂਡ ਦੇ ਵਿਸਫੋਟਕ ਸਲਾਮੀ ਬੱਲੇਬਾਜ਼ ਜੇਸਨ ਰਾੱਏ, ਨੇ ਇਸ ਸੀਜ਼ਨ ਵਿਚ ਦਿੱਲੀ ਕੈਪਿਟਲਸ ਲਈ ਖੇਡਣਾ ਸੀ, ਪਰ ਉਹਨਾਂ ਨੇ ਵੀ ਆਈਪੀਐਲ ਦੇ ਇਸ ਸੀਜ਼ਨ ਤੋਂ ਆਪਣਾ ਨਾਮ ਵਾਪਸ ਲੈ ਲਿਆ ਹੈ। ਰਾੱਏ ਨੇ ਮਾੜੀ ਫਿਟਨੈਸ ਅਤੇ ਵਿਅਸਤ ਸ਼ੈਡਯੂਲ ਨੂੰ ਆਈਪੀਐਲ ਵਿਚ ਨਾ ਖੇਡਣ ਦਾ ਕਾਰਨ ਦੱਸਿਆ. ਦਿੱਲੀ ਨੇ ਆਸਟ੍ਰੇਲੀਆਈ ਗੇਂਦਬਾਜ਼ ਡੇਨੀਅਲ ਸੈਮਸ ਨੂੰ ਉਨ੍ਹਾਂ ਦੀ ਥਾਂ ਤੇ ਟੀਮ ਵਿਚ ਸ਼ਾਮਲ ਕੀਤਾ ਹੈ।

ਕ੍ਰਿਸ ਵੋਕਸ

ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਕ੍ਰਿਸ ਵੋਕਸ ਨਿੱਜੀ ਕਾਰਨਾਂ ਅਤੇ ਸ਼ੈਡਯੂਲ ਦੇ ਕਾਰਨ ਅਪ੍ਰੈਲ ਵਿਚ ਹੋਣ ਵਾਲੇ ਟੂਰਨਾਮੈਂਟ ਤੋਂ ਪਿੱਛੇ ਹਟ ਗਏ ਹਨ. ਦਿੱਲੀ ਕੈਪਿਟਲਸ ਨੇ ਵੋਕਸ ਦੀ ਥਾਂ ਦੱਖਣੀ ਅਫਰੀਕਾ ਦੇ ਤੇਜ਼ ਗੇਂਦਬਾਜ਼ ਐਨਰਿਕ ਨੌਰਟਜੇ ਨੂੰ ਆਪਣੀ ਟੀਮ ਵਿੱਚ ਸ਼ਾਮਲ ਕੀਤਾ ਹੈ।

ਦੱਸ ਦੇਈਏ ਕਿ ਡਿਫੈਂਡਿੰਗ ਚੈਂਪੀਅਨ ਮੁੰਬਈ ਇੰਡੀਅਨਜ਼ ਦੇ ਸਟਾਰ ਗੇਂਦਬਾਜ਼ ਲਸਿਥ ਮਲਿੰਗਾ ਵੀ ਨਿੱਜੀ ਕਾਰਨਾਂ ਕਰਕੇ ਆਈਪੀਐਲ 2020 ਦੇ ਪਹਿਲੇ ਹਿੱਸੇ ਵਿੱਚ ਨਹੀਂ ਖੇਡ ਸਕਣਗੇ। ਪਿਤਾ ਦੀ ਖਰਾਬ ਸਿਹਤ ਅਤੇ ਸਰਜਰੀ ਦੀ ਸੰਭਾਵਨਾ ਦੇ ਕਾਰਨ ਉਹ ਅਜੇ ਟੀਮ ਨਾਲ ਦੁਬਈ ਵਿਚ ਨਹੀਂ ਜੁੜ੍ਹੇ ਹਨ.