IPL 2020: ਵਿਰਾਟ ਕੋਹਲੀ ਨੇ ਹਾਰ ਤੋਂ ਬਾਅਦ ਮੰਨ੍ਹੀ ਗਲਤੀ, ਦੱਸਿਆ ਕਿ ਏਬੀ ਡੀਵਿਲੀਅਰਜ਼ ਨੂੰ ਨੰਬਰ 6 'ਤੇ ਬੱਲੇਬਾਜ਼ੀ ਲਈ ਕਿਉਂ ਭੇਜਿਆ ਗਿਆ

ਰਾਇਲ ਚੈਲੇਂਜਰਜ਼ ਬੰਗਲੌਰ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਪੰਜਾਬ ਦੇ ਖਿਲਾਫ ਹਾਰ ਤੋਂ ਬਾਅਦ ਕਿਹਾ ਹੈ ਕਿ ਲੋਕੇਸ਼ ਰਾਹੁਲ ਦੀ ਅਗਵਾਈ ਵਾਲੀ ਟੀਮ ਨੇ ਵੀਰਵਾਰ ਨੂੰ ਉਹਨਾਂ ਦੀ ਟੀਮ ਨਾਲੋਂ ਬਿਹਤਰ ਖੇਡਿਆ. ਬੰਗਲੌਰ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਛੇ ਵਿਕਟਾਂ ਗੁਆ ਕੇ 171 ਦੌੜਾਂ ਬਣਾਈਆਂ ਸੀ. ਪੰਜਾਬ ਨੇ ਇਹ ਟੀਚਾ ਆਖਰੀ ਗੇਂਦ 'ਤੇ ਹਾਸਲ ਕੀਤਾ. ਮੈਚ ਆਖਰੀ ਸਮੇਂ ਵਿੱਚ ਰੋਮਾਂਚਕ ਹੋ ਗਿਆ ਅਤੇ ਸੁਪਰ ਓਵਰ ਵਿੱਚ ਜਾਣ ਦਾ ਜਾਪਿਆ ਪਰ ਅਜਿਹਾ ਨਹੀਂ ਹੋ ਸਕਿਆ.

ਮੈਚ ਤੋਂ ਬਾਅਦ ਕੋਹਲੀ ਨੇ ਕਿਹਾ, "ਇਹ ਕਾਫੀ ਹੈਰਾਨੀ ਵਾਲੀ ਗੱਲ ਸੀ. ਅਸੀਂ ਸੋਚਿਆ ਸੀ ਕਿ ਮੈਚ 18 ਵੇਂ ਓਵਰ ਵਿੱਚ ਖ਼ਤਮ ਹੋ ਜਾਵੇਗਾ. ਆਖਰੀ ਓਵਰ ਵਿੱਚ ਦਬਾਅ ਸ਼ਾਇਦ ਤੁਹਾਨੂੰ ਅਸਮੰਜਸ ਵਿਚ ਪਾ ਸਕਦਾ ਹੈ. ਇਸ ਖੇਡ ਵਿੱਚ ਕੁਝ ਵੀ ਹੋ ਸਕਦਾ ਹੈ. ਪੰਜਾਬ ਨੇ ਵਧੀਆ ਖੇਡ ਦਿਖਾਇਆ. ਅਸੀਂ ਅੱਜ ਮੈਚ ਵਿੱਚ ਨਹੀਂ ਸੀ."

ਇਸ ਮੈਚ ਵਿੱਚ, ਬੰਗਲੌਰ ਨੇ ਆਪਣੇ ਸਟਾਰ ਬੱਲੇਬਾਜ਼ ਏਬੀ ਡੀਵਿਲੀਅਰਜ਼ ਨੂੰ 6 ਵੇਂ ਨੰਬਰ 'ਤੇ ਬੱਲੇਬਾਜ਼ੀ ਲਈ ਭੇਜਿਆ ਅਤੇ ਉਨ੍ਹਾਂ ਤੋਂ ਪਹਿਲਾਂ ਵਾਸ਼ਿੰਗਟਨ ਸੁੰਦਰ ਅਤੇ ਸ਼ਿਵਮ ਦੂਬੇ ਨੂੰ ਮੈਦਾਨ ਵਿੱਚ ਉਤਾਰਿਆ.

ਡੀਵਿਲੀਅਰਜ਼ ਨੂੰ ਥੱਲੇ ਭੇਜਣ 'ਤੇ ਕੋਹਲੀ ਨੇ ਕਿਹਾ, "ਅਸੀਂ ਗੱਲ ਕੀਤੀ ਸੀ. ਬਾਹਰੋਂ ਸੁਨੇਹਾ ਆਇਆ ਕਿ ਖੱਬੇ ਤੇ ਸੱਜੇ ਹੱਥ ਦਾ ਤਾਲਮੇਲ ਰੱਖਣਾ ਚਾਹੀਦਾ ਹੈ ਕਿਉਂਕਿ ਉਨ੍ਹਾਂ ਕੋਲ ਦੋ ਲੈੱਗ ਸਪਿਨਰ ਸਨ. ਕਈ ਵਾਰ ਤੁਹਾਡੇ ਫੈਸਲੇ ਕੰਮ ਨਹੀਂ ਕਰਦੇ ਪਰ ਇਹ ਹੁੰਦਾ ਹੈ. ਅਸੀਂ ਲਏ ਗਏ ਫੈਸਲੇ ਤੋਂ ਖੁਸ਼ ਹਾਂ."

ਆਈਪੀਐਲ ਦੇ ਇਤਿਹਾਸ ਵਿਚ ਇਹ ਤੀਜਾ ਮੌਕਾ ਸੀ ਜਦੋਂ ਡੀਵਿਲੀਅਰਜ਼ 6 ਵੇਂ ਨੰਬਰ 'ਤੇ ਬੱਲੇਬਾਜ਼ੀ ਕਰਨ ਉਤਰੇ ਸੀ. ਇਸ ਤੋਂ ਪਹਿਲਾਂ ਉਹ 2009, 2012 ਵਿਚ ਅਤੇ ਫਿਰ ਆਈਪੀਐਲ 2014 ਵਿਚ ਇਸ ਨੰਬਰ ਤੇ ਬੱਲੇਬਾਜੀ ਕਰਨ ਉਤਰੇ ਸੀ. ਅਜਿਹੀ ਸਥਿਤੀ ਵਿੱਚ ਟੀਮ ਪ੍ਰਬੰਧਨ ਦਾ ਉਨ੍ਹਾਂ ਨੂੰ ਹੇਠਾਂ ਭੇਜਣ ਦਾ ਫੈਸਲਾ ਕਾਫ਼ੀ ਹੈਰਾਨ ਕਰਨ ਵਾਲਾ ਸੀ.