Alex hales

ਆਸਟ੍ਰੇਲੀਆ ਖਿਲਾਫ ਪਰਥ 'ਚ ਖੇਡੇ ਗਏ ਪਹਿਲੇ ਟੀ-20 ਮੈਚ 'ਚ ਇੰਗਲੈਂਡ ਦੇ ਸਲਾਮੀ ਬੱਲੇਬਾਜ਼ਾਂ ਨੇ ਖੂਬ ਗਦਰ ਮਚਾਇਆ। ਜੋਸ ਬਟਲਰ ਅਤੇ ਐਲੇਕਸ ਹੇਲਸ ਦੀ ਜੋੜੀ ਨੇ 12 ਓਵਰਾਂ ਵਿੱਚ 132 ਦੌੜਾਂ ਦੀ ਧਮਾਕੇਦਾਰ ਸਾਂਝੇਦਾਰੀ ਕਰਕੇ ਆਸਟਰੇਲੀਆਈ ਕੈਂਪ ਵਿੱਚ ਖਲਬਲੀ ਮਚਾ ਦਿੱਤੀ। ਪਾਕਿਸਤਾਨ ਦੌਰੇ 'ਤੇ ਸੱਟ ਕਾਰਨ ਨਹੀਂ ਖੇਡੇ ਗਏ ਬਟਲਰ ਨੇ ਇਸ ਮੈਚ 'ਚ ਜ਼ਬਰਦਸਤ ਵਾਪਸੀ ਕੀਤੀ ਅਤੇ ਕੰਗਾਰੂਆਂ ਖਿਲਾਫ 32 ਗੇਂਦਾਂ 'ਚ 68 ਦੌੜਾਂ ਬਣਾਈਆਂ।

ਦੋਵਾਂ ਨੇ ਇਸ ਸਾਂਝੇਦਾਰੀ ਦੌਰਾਨ ਕਿਸੇ ਵੀ ਕੰਗਾਰੂ ਗੇਂਦਬਾਜ਼ ਨੂੰ ਨਹੀਂ ਬਖਸ਼ਿਆ। ਸਟੇਡੀਅਮ 'ਚ ਮੌਜੂਦ ਪ੍ਰਸ਼ੰਸਕਾਂ ਨੇ ਇਨ੍ਹਾਂ ਦੋਵਾਂ ਦੀ ਇਸ ਧਮਾਕੇਦਾਰ ਬੱਲੇਬਾਜ਼ੀ ਦਾ ਆਨੰਦ ਮਾਣਿਆ, ਨਾਲ ਹੀ ਭਾਰਤੀ ਟੀਮ ਦੇ ਕੁਝ ਖਿਡਾਰੀਆਂ ਨੇ ਵੀ ਪਰਥ ਦੇ ਸਟੇਡੀਅਮ 'ਚ ਆਪਣੀ ਹਾਜ਼ਰੀ ਦਰਜ ਕਰਵਾਈ ਅਤੇ ਦੋਵਾਂ ਦੀ ਬੱਲੇਬਾਜ਼ੀ ਦਾ ਆਨੰਦ ਮਾਣਿਆ।