Fraser mcgurk

Image Source: Google

ஏபிடி வில்லியர்ஸின் சாதனையை முறியடித்த பிரேசர் மெக்குர்க்!

By Bharathi Kannan October 08, 2023 • 13:17 PM View: 387

லிஸ்ட் ஏ கிரிக்கெட் எனப்படுவது ஒருநாள் கிரிக்கெட் போட்டி வடிவத்தின் பெயராகும். இது உள்நாட்டு மற்றும் சர்வதேச ஒருநாள் கிரிக்கெட் போட்டிகளுக்கான ஒருங்கிணைந்த பெயர். தற்பொழுது ஆஸ்திரேலியாவை சேர்ந்த 21 வயதான ஜேக் பிரேசர் மெக்குர்க் எனும் வீரர் ஆஸ்திரேலியா உள்நாட்டு அணியான ரெட்பேக்ஸ் அணிக்காக டாஸ்மெனியா அணிக்கு எதிரான போட்டியில் 29 பந்துகளில் சதம் அடித்து உலகச் சாதனை படைத்திருக்கிறார்.

இப்போட்டியில் முதல் 50 ரன்கள் 18 பந்துகளில் அடித்திருக்கிறார். இதற்கு அடுத்த 50 ரன்கள் 11 பந்துகளில் அடித்து நொறுக்கி இருக்கிறார். இதில் ஒரு ஓவரில் மொத்தம் 32 ரன்கள் கொண்டு வந்து உள்நாட்டு சாதனை ஒன்றையும் படைத்திருக்கிறார். இதன் மூலம் 2015 ஆம் ஆண்டு வெஸ்ட் இண்டீஸ் அணிக்கு எதிராக தென் ஆப்பிரிக்க நாட்டை சேர்ந்த ஏபி டிவில்லியர்ஸ் 31 பந்துகளில் ஒரு நாள் கிரிக்கெட் வடிவத்தில் அதிவேக சதம் அடித்திருந்த உலகச் சாதனையை இந்த வீரர் முறியடித்து இருக்கிறார்.