Geoffrey boycott

ਆਸਟ੍ਰੇਲੀਆ ਖਿਲਾਫ ਪਹਿਲੇ ਏਸ਼ੇਜ਼ ਟੈਸਟ 'ਚ ਮਿਲੀ ਕਰਾਰੀ ਹਾਰ ਤੋਂ ਬਾਅਦ ਇੰਗਲਿਸ਼ ਟੀਮ ਦੀ ਆਲੋਚਨਾ ਸ਼ੁਰੂ ਹੋ ਗਈ ਹੈ। ਇੰਗਲੈਂਡ ਦੇ ਸਾਬਕਾ ਬੱਲੇਬਾਜ਼ ਜੇਫਰੀ ਬਾਈਕਾਟ ਨੇ ਖਰਾਬ ਪ੍ਰਦਰਸ਼ਨ ਤੋਂ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ 'ਚ ਬੇਨ ਸਟੋਕਸ ਨੂੰ ਸ਼ਾਮਲ ਕਰਨ ਲਈ ਇੰਗਲੈਂਡ ਦੀ ਆਲੋਚਨਾ ਕੀਤੀ ਹੈ।

ਬਾਈਕਾਟ ਨੇ ਕਿਹਾ ਕਿ ਬੇਨ ਸਟੋਕਸ ਕੋਈ ਜਾਦੂਗਰ ਨਹੀਂ ਹੈ, ਜੋ ਹਰ ਕਿਸੇ ਲਈ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਕਰ ਸਕਦਾ ਹੈ। ਇੰਗਲਿਸ਼ ਟੀਮ ਨੂੰ ਪਹਿਲੇ ਟੈਸਟ 'ਚ ਸਟੋਕਸ ਤੋਂ ਕਾਫੀ ਉਮੀਦਾਂ ਸਨ ਪਰ ਉਸ ਦੀ ਵਾਪਸੀ ਕਾਫੀ ਨਿਰਾਸ਼ਾਜਨਕ ਰਹੀ ਅਤੇ ਪੂਰੇ ਮੈਚ ਦੌਰਾਨ ਉਹ ਸੰਘਰਸ਼ ਕਰਦੇ ਨਜ਼ਰ ਆਏ। ਨਤੀਜੇ ਵਜੋਂ, ਆਸਟ੍ਰੇਲੀਆ ਨੇ ਗਾਬਾ 'ਤੇ ਨੌਂ ਵਿਕਟਾਂ ਨਾਲ ਆਰਾਮਦਾਇਕ ਜਿੱਤ ਦਰਜ ਕੀਤੀ। 30 ਸਾਲਾ ਸਟੋਕਸ ਨੇ ਇਸ ਮੈਚ ਵਿੱਚ 19 ਦੌੜਾਂ ਬਣਾਈਆਂ ਅਤੇ 12 ਓਵਰਾਂ ਵਿੱਚ ਬਿਨਾਂ ਕੋਈ ਵਿਕਟ ਲਏ 65 ਦੌੜਾਂ ਦਿੱਤੀਆਂ।