India tour of england 2022

ਵਿਰਾਟ ਕੋਹਲੀ ਗਰੋਈਨ 'ਚ ਖਿਚਾਅ ਕਾਰਨ ਇੰਗਲੈਂਡ ਖਿਲਾਫ ਪਹਿਲੇ ਵਨਡੇ 'ਚ ਨਹੀਂ ਖੇਡ ਸਕੇ ਸਨ ਅਤੇ ਪ੍ਰਸ਼ੰਸਕਾਂ ਦੀਆਂ ਨਜ਼ਰਾਂ ਹੁਣ ਇਸ ਗੱਲ 'ਤੇ ਹਨ ਕਿ ਕੀ ਉਹ ਲਾਰਡਸ (14 ਜੁਲਾਈ) ਅਤੇ ਮੈਨਚੈਸਟਰ (17 ਜੁਲਾਈ) 'ਚ ਬਾਕੀ ਦੋ ਮੈਚਾਂ 'ਚ ਵਾਪਸੀ ਕਰਨਗੇ ਜਾਂ ਨਹੀਂ। ਜੇਕਰ ਕੋਹਲੀ ਦੀ ਫਾਰਮ ਦੀ ਗੱਲ ਕਰੀਏ ਤਾਂ ਉਹ ਇਸ ਸਮੇਂ ਆਪਣੇ ਕਰੀਅਰ ਦੇ ਬੁਰੇ ਦੌਰ 'ਚੋਂ ਗੁਜ਼ਰ ਰਹੇ ਹਨ ਅਤੇ ਮੌਜੂਦਾ ਇੰਗਲੈਂਡ ਦੌਰੇ 'ਤੇ ਫਲਾਪ ਰਹੇ ਹਨ।

ਕਈ ਦਿੱਗਜ ਅਤੇ ਪ੍ਰਸ਼ੰਸਕ ਵਿਰਾਟ ਨੂੰ ਕਾਫੀ ਟ੍ਰੋਲ ਕਰ ਰਹੇ ਹਨ ਅਤੇ ਕਈ ਲੋਕਾਂ ਦਾ ਇਹ ਵੀ ਮੰਨਣਾ ਹੈ ਕਿ ਵਿਰਾਟ ਨੂੰ ਟੀਮ ਤੋਂ ਬਾਹਰ ਕਰ ਦੇਣਾ ਚਾਹੀਦਾ ਹੈ। ਅਜਿਹੇ 'ਚ ਹੁਣ IPL ਫ੍ਰੈਂਚਾਇਜ਼ੀ ਗੁਜਰਾਤ ਟਾਈਟਨਸ ਦੇ ਮੁੱਖ ਕੋਚ ਆਸ਼ੀਸ਼ ਨੇਹਰਾ ਵਿਰਾਟ ਦੇ ਬਚਾਅ 'ਚ ਆਏ ਹਨ ਅਤੇ ਕਿਹਾ ਕਿ ਤੁਸੀਂ ਵਿਰਾਟ ਵਰਗੇ ਖਿਡਾਰੀ ਨੂੰ ਸਿੱਧੇ ਤੌਰ 'ਤੇ ਟੀਮ 'ਚੋਂ ਬਾਹਰ ਨਹੀਂ ਕੱਢ ਸਕਦੇ, ਤੁਹਾਨੂੰ ਉਸ ਨੂੰ ਮੌਕਾ ਦੇਣਾ ਹੋਵੇਗਾ।