Ipl auction
IPL Auction : 'ਅਗਰ ਇਸ ਸਾਲ ਮੈਂ ਨਹੀਂ ਬਿਕਿਆ, ਤਾਂ ਮੈਨੂੰ ਪਤਾ ਨਹੀਂ ਕਦੋਂ ਮੌਕਾ ਮਿਲਣਾ'
ਆਸਟ੍ਰੇਲੀਆਈ ਬੱਲੇਬਾਜ਼ ਬੇਨ ਮੈਕਡਰਮੋਟ ਨੇ ਬਿਗ ਬੈਸ਼ ਲੀਗ 2021-22 ਸੀਜ਼ਨ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ, ਜਿਸ ਤੋਂ ਬਾਅਦ ਉਸ ਨੂੰ ਉਮੀਦ ਹੈ ਕਿ ਆਉਣ ਵਾਲੇ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) ਸੀਜ਼ਨ 'ਚ ਉਸ ਨੂੰ ਮੌਕਾ ਮਿਲ ਸਕਦਾ ਹੈ। ਉਸਦਾ ਮੰਨਣਾ ਹੈ ਕਿ ਉਸਨੇ ਨਿਲਾਮੀ ਵਿੱਚ ਚੁਣੇ ਜਾਣ ਲਈ ਸਭ ਕੁਝ ਕੀਤਾ ਹੈ।
ਉਸ ਨੂੰ ਸ਼੍ਰੀਲੰਕਾ ਖਿਲਾਫ ਟੀ-20 ਸੀਰੀਜ਼ ਲਈ ਆਸਟ੍ਰੇਲੀਆਈ ਟੀਮ 'ਚ ਵੀ ਮੌਕਾ ਦਿੱਤਾ ਗਿਆ ਹੈ। 27 ਸਾਲਾ ਮੈਕਡਰਮੋਟ ਨੇ ਮੌਜੂਦਾ BBL ਸੀਜ਼ਨ 'ਚ 48.80 ਦੀ ਔਸਤ ਨਾਲ 577 ਦੌੜਾਂ ਬਣਾਈਆਂ ਹਨ, ਜਿਸ 'ਚ ਦੋ ਸੈਂਕੜੇ ਅਤੇ ਤਿੰਨ ਅਰਧ ਸੈਂਕੜੇ ਸ਼ਾਮਲ ਹਨ। ਅਜਿਹੇ 'ਚ ਉਸ ਨੂੰ ਉਮੀਦ ਹੈ ਕਿ 12 ਅਤੇ 13 ਫਰਵਰੀ ਨੂੰ ਬੈਂਗਲੁਰੂ 'ਚ ਹੋਣ ਵਾਲੀ ਨਿਲਾਮੀ 'ਚ ਉਸ ਦੀ ਕਿਸਮਤ ਵੀ ਖੁੱਲ੍ਹ ਸਕਦੀ ਹੈ।