Mohammad rizwan

ਏਸ਼ੀਆ ਕੱਪ 2022 ਦੇ ਫਾਈਨਲ ਮੈਚ 'ਚ ਸ਼੍ਰੀਲੰਕਾ ਹੱਥੋਂ ਮਿਲੀ ਹਾਰ ਤੋਂ ਬਾਅਦ ਪਾਕਿਸਤਾਨੀ ਟੀਮ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ ਅਤੇ ਖਾਸ ਕਰਕੇ ਮੁਹੰਮਦ ਰਿਜ਼ਵਾਨ ਨੂੰ ਖੂਬ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਮੁਹੰਮਦ ਰਿਜ਼ਵਾਨ ਨੇ ਫਾਈਨਲ 'ਚ 49 ਗੇਂਦਾਂ 'ਚ 55 ਦੌੜਾਂ ਦੀ ਅਰਧ ਸੈਂਕੜੇ ਵਾਲੀ ਪਾਰੀ ਖੇਡੀ ਪਰ ਅਨੁਭਵੀ ਦਿੱਗਜ਼ ਅਤੇ ਪ੍ਰਸ਼ੰਸਕ ਉਸ ਦੀ ਧੀਮੀ ਪਾਰੀ ਨੂੰ ਹਾਰ ਦੀ ਜ਼ਿੰਮੇਵਾਰ ਮੰਨ ਰਹੇ ਹਨ।

ਪਾਕਿਸਤਾਨ ਨੇ ਦੋ ਵਿਕਟਾਂ ਜਲਦੀ ਗੁਆ ਦਿੱਤੀਆਂ ਸੀ ਅਤੇ ਫਿਰ ਇਫਤਿਖਾਰ-ਰਿਜ਼ਵਾਨ ਦੀ ਜੋੜੀ ਨੇ ਹੌਲੀ ਰਫਤਾਰ ਨਾਲ ਬੱਲੇਬਾਜ਼ੀ ਕੀਤੀ, ਜਿਸ ਕਾਰਨ ਪਾਕਿਸਤਾਨੀ ਟੀਮ ਪਾਰੀ ਦੌਰਾਨ ਕਦੇ ਵੀ ਰਫਤਾਰ ਨਹੀਂ ਫੜ ਸਕੀ ਅਤੇ ਉਹ 147 ਦੌੜਾਂ 'ਤੇ ਆਲ ਆਊਟ ਹੋ ਗਈ ਅਤੇ ਮੈਚ 23 ਦੌੜਾਂ ਨਾਲ ਹਾਰ ਗਈ। ਰਿਜ਼ਵਾਨ ਦੀ ਪਾਰੀ 'ਤੇ ਵਸੀਮ ਅਕਰਮ ਅਤੇ ਗੌਤਮ ਗੰਭੀਰ ਨੇ ਵੀ ਸਵਾਲ ਚੁੱਕੇ ਸਨ।