Pakistan vs afghanistan
ਟੀ-20 ਵਿਸ਼ਵ ਕੱਪ 2021: ਪਾਕਿਸਤਾਨ ਦੀ ਜਿੱਤ ਦੀ ਹੈਟ੍ਰਿਕ, ਰੋਮਾਂਚਕ ਮੈਚ 'ਚ ਅਫਗਾਨਿਸਤਾਨ ਨੂੰ 5 ਵਿਕਟਾਂ ਨਾਲ ਹਰਾਇਆ
ਪਾਕਿਸਤਾਨ ਨੇ ਸ਼ੁੱਕਰਵਾਰ ਨੂੰ ਦੁਬਈ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ 'ਚ ਖੇਡੇ ਗਏ ਆਈਸੀਸੀ ਪੁਰਸ਼ ਟੀ-20 ਵਿਸ਼ਵ ਕੱਪ 2021 ਦੇ ਸੁਪਰ 12 ਮੈਚ 'ਚ ਅਫਗਾਨਿਸਤਾਨ ਨੂੰ ਪੰਜ ਵਿਕਟਾਂ ਨਾਲ ਹਰਾ ਦਿੱਤਾ। ਇਸ ਜਿੱਤ ਨਾਲ ਪਾਕਿਸਤਾਨ ਨੇ ਚੱਲ ਰਹੇ ਟੀ-20 ਵਿਸ਼ਵ ਕੱਪ 'ਚ ਜਿੱਤ ਦੀ ਹੈਟ੍ਰਿਕ ਪੂਰੀ ਕਰ ਲਈ ਹੈ ਅਤੇ ਗਰੁੱਪ 2 'ਚ ਅੰਕ ਸੂਚੀ 'ਚ ਚੋਟੀ 'ਤੇ ਹੈ।
ਅਫਗਾਨਿਸਤਾਨ ਨੇ ਮੁਹੰਮਦ ਨਬੀ (32 ਗੇਂਦਾਂ 'ਤੇ 35 ਦੌੜਾਂ) ਅਤੇ ਗੁਲਬਦੀਨ ਨਾਇਬ (25 ਗੇਂਦਾਂ 'ਤੇ 35 ਦੌੜਾਂ) ਦੀ ਸ਼ਾਨਦਾਰ ਪਾਰੀ ਦੇ ਦਮ 'ਤੇ 20 ਓਵਰਾਂ 'ਚ 6 ਵਿਕਟਾਂ 'ਤੇ 147 ਦੌੜਾਂ ਬਣਾਈਆਂ। ਨਬੀ ਅਤੇ ਨਾਇਬ ਤੋਂ ਇਲਾਵਾ ਨਜੀਬੁੱਲਾ ਜ਼ਦਰਾਨ (22) ਅਤੇ ਕਰੀਮ ਜਨਤ (15) ਨੇ ਵੀ ਅਫਗਾਨਿਸਤਾਨ ਲਈ ਬੱਲੇ ਨਾਲ ਅਹਿਮ ਯੋਗਦਾਨ ਪਾਇਆ।