Pr vs jsk

SA T20 League: Donovan Ferreira all round show sealed the game!

Image Source: Google

SA 20 League: டர்பன் சூப்பர் ஜெயன்ட்ஸை வீழ்த்தியது ஜோபர்க் சூப்பர் கிங்ஸ்!

By Bharathi Kannan January 12, 2023 • 10:35 AM View: 394

இந்தியாவின் ஐபிஎல் தொடரைப் போன்றே தென் ஆப்பிரிக்காவில் எஸ் ஏ20 எனப்படும் டி20 லீக் தொடர் தொடங்கப்பட்டுள்ளது. இந்நிலையில் இத்தொடரின் இரண்டாவது லீக் ஆட்டத்தில் ஃபாஃப் டூ பிளெசிஸ் தலைமையிலான ஜோபர்க் சூப்பர் கிங்ஸ் அணி, குயின்டன் டி காக் தலைமையிலான டர்பன் சூப்பர் ஜெயண்ட்ஸ் அணியுடன் பலப்பரீட்சை நடத்தின.

இப்போட்டியில் டாஸ் வென்ற சூப்பர் கிங்ஸ் அணி முதலில் பேட்டிங் செய்ய தீர்மானித்தது. அதன்படி சூப்பர் கிங்ஸிற்கு ஜென்மன் மாலன் - ரீஸா ஹென்ரிக்ஸ் ஆகியோர் தொடக்க வீரர்களாக களமிறங்கினர். இதில் ஹென்றிக்ஸ் ஒரு ரன்னிலும், மாலன் 5 ரன்களிலும் அடுத்து வந்த வெர்ரெய்ன் 10 ரன்களிலும், லூயிஸ் கிரிகோரி 2 ரன்களிலும் என அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர்.