Royal london one day cup
மீண்டும் அசத்திய ரஹானே, ஹேண்ட்ஸ்கோம்ப்; அரையிறுதியில் லீசெஸ்டர்ஷைர்!
இங்கிலாந்தில் நடைபெற்றுவரும் உள்ளூர் ஒருநாள் கோப்பை தொடரானது இறுதிக்கட்டத்தை எட்டியுள்ளது. இத்தொடரில் இன்று நடைபெற்ற காலிறுதிச்சுற்று ஆட்டத்தில் ஹாம்ஷைர் - லீசெஸ்டர்ஷைர் அணிகள் பலப்பரீட்சை நடத்தின. லெய்செஸ்டர் நடைபெற்ற இப்போட்டியில் டாஸ் வென்ற லீசெஸ்டர்ஷைர் அணி முதலில் பந்துவீசுவதாக அறிவித்தது. அதன்படி களமிறங்கிய ஹாம்ஷைர் அணியில் தொடக்க வீரர் ஃப்ளெட்சா மிடில்டன் 16 ரன்களிலும், டாம் பிரஸ்ட் 10 ரன்களிலும், பென் பிரௌன் 13 ரன்களிலும் என அடுத்தடுத்து விக்கெட்டுகளை இழந்து ஏமாற்றமளித்தனர்.
பின்னர் இணைந்த கேப்டன் நிக் கிப்பின்ஸ் - லியாம் டௌசன் இணை அபாரமாக விளையாடி விக்கெட் இழப்பை தடுத்ததுடன் அணியின் ஸ்கோரையும் மளமளவென உயர்த்தினர். இப்போட்டியில் அதிரடியாக விளையாடி வந்த கேப்டன் நிக் கிப்பின்ஸ் சதமடித்து அசத்தியதோடு 14 பவுண்டரி, 2 சிக்ஸர்கள் என 136 ரன்களைச் சேர்த்த நிலையில் விக்கெட்டை இழந்தார். அவருக்கு துணையாக விளையாடி வந்த லியாம் டௌசனும் அரைசதம் கடந்த கையோடு 2 பவுண்டரி, 2 சிக்ஸர்கள் என 50 ரன்களில் ஆட்டமிழந்து பெவிலியனுக்கு திரும்பினார்.
Related Cricket News on Royal london one day cup
Cricket Special Today
-
- 06 Feb 2021 04:31