Devon conwoy
T20 WC 2024: பப்புவா நியூ கினியை வீழ்த்தி ஆறுதல் வெற்றியைப் பெற்றது நியூசிலாந்து!
ஐசிசி டி20 உலகக்கோப்பை கிரிக்கெட் தொடரி 9ஆவது பதிப்பு வெஸ்ட் இண்டீஸ் மற்றும் அமெரிக்காவில் நடைபெற்று வருகிறது. இத்தொடரின் லீக் சுற்று போட்டிகளானது இறுதிக்கட்டத்தை எட்டியுள்ள நிலையில், அடுத்த சுற்றுக்கு முன்னேறும் 8 அணிகள் எது என்பதும் ஏறத்தாழ முடிவுசெய்யப்பட்டுள்ளது. இந்நிலையில் இன்று நடைபெற்ற 39ஆவது லீக் போட்டியில் குரூப் சி பிரிவில் இடம் பிடித்துள்ள நியூசிலாந்து அணியை எதிர்த்து பப்புவா நியூ கினி அணி பலப்பரீட்சை நடத்தின. அதன்படி இவ்விரு அணிகளுக்கும் இடையேயான இப்போட்டி டிரினிடாட்டில் நடைபெற்றது.
இப்போட்டி தொடங்குவதற்கு முன்னதாக மழை நீடித்த காரணத்தால் ஆட்டம் தமதமானது. அதன்பின் இப்போட்டியில் டாஸ் வென்ற நியூசிலாந்து அணியானது முதலில் பந்துவீசுவதாக அறிவித்து பப்புவா நியூ கினி அணியை பேட்டிங் செய்ய அழைத்தது. அதன்படி களமிறங்கிய பப்புவா நியூ கினி அணியானது தொடக்கம் முதலே சீரான இடைவேளையில் விக்கெட்டுகளை இழந்து பெவிலியன் திரும்பினார். அந்த அணியின் தொடக்க வீரர்கள் டோனி உரா ஒரு ரன்னிலும், கேப்டன் அசாத் வாலா 6 ரன்களுக்கும் என அடுத்தடுத்து ஆட்டமிழந்தனர்.
Related Cricket News on Devon conwoy
Cricket Special Today
-
- 06 Feb 2021 04:31