Mumbai indian

IPL ਦੀ ਸਫਲਤਾ ਤੋਂ ਬਾਅਦ ਦੁਨੀਆ ਭਰ 'ਚ ਨਵੀਂ ਕ੍ਰਿਕਟ ਲੀਗ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ ਹੈ ਅਤੇ ਇਸ ਕੜੀ 'ਚ UAE 'ਚ ਵੀ ਨਵੀਂ T20 ਲੀਗ ਸ਼ੁਰੂ ਹੋਣ ਜਾ ਰਹੀ ਹੈ। ਤਾਜ਼ਾ ਖਬਰਾਂ ਮੁਤਾਬਕ ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਮੁੰਬਈ ਇੰਡੀਅਨਜ਼ ਦੇ ਮਾਲਕ ਇਸ ਲੀਗ 'ਚ ਦੋ ਨਵੀਆਂ ਟੀਮਾਂ ਖਰੀਦਣ ਜਾ ਰਹੇ ਹਨ।

ਈਸੀਬੀ (ਐਮੀਰੇਟਸ ਕ੍ਰਿਕਟ ਬੋਰਡ) ਅਗਲੇ ਸਾਲ ਯੂਏਈ ਵਿੱਚ ਸ਼ੁਰੂ ਹੋਣ ਵਾਲੀ ਇਸ ਲੀਗ ਨੂੰ ਚਲਾਏਗਾ ਅਤੇ ਫਿਲਹਾਲ ਇਸ ਲੀਗ ਲਈ ਸਿਰਫ਼ 6 ਟੀਮਾਂ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ। ਲੀਗ ਅਗਲੇ ਸਾਲ ਯਾਨੀ ਜਨਵਰੀ ਜਾਂ ਫਰਵਰੀ 2022 ਵਿੱਚ ਆਯੋਜਿਤ ਕਰਨ ਦੀ ਯੋਜਨਾ ਬਣਾਈ ਜਾ ਰਹੀ ਹੈ। ਜਿੱਥੋਂ ਤੱਕ ਟੀਮਾਂ ਦਾ ਸਵਾਲ ਹੈ, ਮੁੰਬਈ ਅਤੇ ਕੇਕੇਆਰ ਨਾਲ ਡੀਲ ਲਗਭਗ ਫਾਈਨਲ ਹੋ ਚੁੱਕੀ ਹੈ।