Sarfaraz khan
IPL 2022: 'ਉਹ ਦਿਨ ਵੀ ਆਵੇਗਾ ਜਦੋਂ ਮੈਂ IPL 'ਚ ਵੀ ਦੌੜਾਂ ਬਣਾਵਾਂਗਾ'
ਘਰੇਲੂ ਕ੍ਰਿਕਟ 'ਚ ਦੌੜਾਂ ਬਣਾਉਣ ਵਾਲੇ ਹੋਨਹਾਰ ਬੱਲੇਬਾਜ਼ ਸਰਫਰਾਜ਼ ਖਾਨ ਦੀ ਨਜ਼ਰ ਹੁਣ ਆਈ.ਪੀ.ਐੱਲ. 'ਚ ਧਮਾਕੇਦਾਰ ਪ੍ਰਦਰਸ਼ਨ 'ਤੇ ਹੈ। ਹੁਣ ਤੱਕ ਸਰਫਰਾਜ਼ ਆਈਪੀਐਲ ਵਿੱਚ ਆਪਣੀ ਛਾਪ ਨਹੀਂ ਛੱਡ ਸਕੇ ਹਨ। ਸਰਫਰਾਜ਼ ਨੂੰ ਆਈਪੀਐਲ 2022 ਦੀ ਮੇਗਾ ਨਿਲਾਮੀ ਦੌਰਾਨ ਦਿੱਲੀ ਕੈਪੀਟਲਸ ਨੇ ਉਸਦੀ ਬੇਸ ਪ੍ਰਾਈਸ 20 ਲੱਖ ਰੁਪਏ ਵਿੱਚ ਖਰੀਦਿਆ ਹੈ।
24 ਸਾਲਾ ਸਰਫਰਾਜ਼ ਨੇ ਮੌਜੂਦਾ ਰਣਜੀ ਟਰਾਫੀ ਸੀਜ਼ਨ 'ਚ 137.75 ਦੀ ਸ਼ਾਨਦਾਰ ਔਸਤ ਨਾਲ 551 ਦੌੜਾਂ ਬਣਾਈਆਂ ਹਨ। ਸਰਫਰਾਜ਼ ਟੂਰਨਾਮੈਂਟ ਵਿੱਚ ਹੁਣ ਤੱਕ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਦੂਜੇ ਬੱਲੇਬਾਜ਼ ਹਨ। ਹਾਲਾਂਕਿ ਹੁਣ ਸਰਫਰਾਜ਼ IPL ਦੇ 15ਵੇਂ ਸੀਜ਼ਨ 'ਚ ਧਮਾਕਾ ਕਰਨਾ ਚਾਹੁੰਦੇ ਹਨ ਅਤੇ ਉਨ੍ਹਾਂ ਨੇ ਕਿਹਾ ਹੈ ਕਿ ਜੇਕਰ ਟੀਮ ਉਨ੍ਹਾਂ 'ਤੇ ਭਰੋਸਾ ਕਰਦੀ ਹੈ ਤਾਂ ਉਹ IPL 'ਚ ਧਮਾਕਾ ਕਰ ਸਕਦੇ ਹਨ।