Naseem shah injury update

Image Source: Google

காயம் காரணமாக பாதியிலேயே வெளியேறிய நசீம் ஷா; பாகிஸ்தானுக்கு பெரும் பின்னடைவு!

By Bharathi Kannan November 04, 2024 • 22:28 PM View: 59

பாகிஸ்தான் அணி ஆஸ்திரேலியாவில் சுற்றுப்பயணம் மேற்கொண்டு 3 ஒருநாள் மற்றும் 3 டி20 போட்டிகள் கொண்ட தொடர்களில் விளையாடி வருகிறது. இதில் இரு அணிகளுக்கும் இடையேயான ஒருநாள் தொடரானது இன்று தொடங்கிய நிலையில், இரு அணிகளுக்கும் இடையேயான முதல் ஒருநாள் போட்டி மெல்போர்னில் இன்று நடைபெற்றது.

இப்போட்டிய டாஸை இழந்து முதலில் பேட்டிங் செய்த பாகிஸ்தான் அணி 46.4 ஓவர்களில் 203 ரன்களுக்கு ஆட்டமிழந்தது. அந்த அணியில் அதிகபட்சமாக கேப்டன் முகமது ரிஸ்வான் 2 பவுண்டரி, ஒரு சிக்ஸர் என 44 ரன்களையும், இறுதிவரை போராடிய நசீம் ஷா அதிகபட்சமாக ஒரு பவுண்டரி, 4 சிக்ஸர்கள் என 40 ரன்களையும் எடுத்தனர். ஆஸ்திரேலியா தரப்பில் மிட்செல் ஸ்டார்க் 3 விக்கெட்டுகளையும், கேப்டன் பாட் கம்மின்ஸ் மற்றும் ஆடம் ஸாம்பா தலா 2 விக்கெட்டுகளையும் கைப்பற்றினர்.