Pr vs dsg sa20 20

Paarl Royals vs Durban Super Giants Dream11 Prediction: தென் ஆப்பிரிக்காவில் நடைபெற்று வரும் எஸ்ஏ20 லீக் தொடரின் மூன்றாவது சீசன் விறுவிறுப்பாக நடைபெற்று வருகிறது. இதில் இன்று நடைபெறும் 23ஆவது லீக் ஆட்டத்தில் பார்ல் ராயல்ஸ் மற்றும் டர்பன் சூப்பர் ஜெயண்ட்ஸ் அணிகள் பலப்பரீட்சை நடத்தவுள்ளன. இவ்விரு அணிகளுக்கும் இடையேயான இப்போட்டி பார்லில் உள்ள போலண்ட் பார்க் கிரிக்கெட் மைதானத்தில் நடைபெறவுள்ளது.

இத்தொடரில் பார்ல் ராயல்ஸ் அணி விளையாடிய 7 போட்டிகளில் 6 வெற்றி, ஒரு தோல்வி என 24 புள்ளிகளைப் பெற்று ஏறத்தாழ பிளே ஆஃப் சுற்று வாய்ப்பை உறுதிசெய்துள்ளார். அதேசமயம் டர்பன் சூப்பர் ஜெயண்ட்ஸ் அணி விளையாடிய 8 போட்டிகளில் ஒரு வெற்றி, ஐந்து தோல்வி, இரண்டு முடிவில்லை என 08 புள்ளிகளைப் பெற்று புள்ளிப்பட்டியலின் கடைசி இடத்தை பிடித்ததுடன், பிளே ஆஃப் சுற்றுக்கான வாய்ப்பையும் இழந்துள்ளது. இதற்கு முன் இத்தொடரில் இவ்விரு அணிகளும் மோதிய போட்டியில் பார்ல் ராயல்ஸ் அணி 5 விக்கெட் வித்தியாசத்தில் வெற்றிபெற்று அசத்தியது. இதனால் டர்பன் சூப்பர் ஜெயண்ட்ஸ் அணி முந்தைய தோல்விக்கு பதிலடி கொடுக்குமா என்ற எதிர்பார்ப்புகள் அதிகரித்துள்ளன.