Mumbai indians
Image Source: Google
ਮਾਰਕ ਬਾਉਚਰ ਬਣੇ ਮੁੰਬਈ ਇੰਡੀਅਨਜ਼ ਦੇ ਮੁੱਖ ਕੋਚ, ਆਕਾਸ਼ ਅੰਬਾਨੀ ਨੇ ਕਿਹਾ- 'ਹੁਣ ਬਾਊਚਰ ਹੀ ਟੀਮ ਨੂੰ ਅੱਗੇ ਲੈ ਕੇ ਜਾਣਗੇ'
ਮੁੰਬਈ ਇੰਡੀਅਨਜ਼ ਨੇ IPL 2023 ਤੋਂ ਪਹਿਲਾਂ ਆਪਣੇ ਕੈਂਪ 'ਚ ਵੱਡਾ ਬਦਲਾਅ ਕੀਤਾ ਹੈ। ਮੁੰਬਈ ਇੰਡੀਅਨਜ਼ ਨੇ ਦੱਖਣੀ ਅਫਰੀਕਾ ਦੇ ਸਾਬਕਾ ਵਿਕਟਕੀਪਰ ਅਤੇ ਬੱਲੇਬਾਜ਼ ਮਾਰਕ ਬਾਊਚਰ ਨੂੰ ਆਪਣਾ ਨਵਾਂ ਮੁੱਖ ਕੋਚ ਨਿਯੁਕਤ ਕੀਤਾ ਹੈ। ਬਾਊਚਰ ਨੂੰ ਮਹੇਲਾ ਜੈਵਰਧਨੇ ਦੀ ਜਗ੍ਹਾ ਮੁੱਖ ਕੋਚ ਨਿਯੁਕਤ ਕੀਤਾ ਗਿਆ ਹੈ ਜਦੋਂਕਿ ਜੈਵਰਧਨੇ ਨੂੰ ਮੁੰਬਈ ਇੰਡੀਅਨਜ਼ ਦੇ ਗਲੋਬਲ ਹੈੱਡ ਆਫ ਪਰਫਾਰਮੈਂਸ ਵਜੋਂ ਨਿਯੁਕਤ ਕੀਤਾ ਗਿਆ ਹੈ।
ਬਾਊਚਰ ਦੀ ਨਿਯੁਕਤੀ 'ਤੇ ਟੀਮ ਦੇ ਮਾਲਕ ਆਕਾਸ਼ ਅੰਬਾਨੀ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ ਹੈ ਅਤੇ ਆਕਾਸ਼ ਦਾ ਮੰਨਣਾ ਹੈ ਕਿ ਮਾਰਕ ਬਾਊਚਰ ਕੋਲ ਜੋ ਤਜ਼ਰਬਾ ਹੈ, ਉਹ ਮੁੰਬਈ ਇੰਡੀਅਨਜ਼ ਟੀਮ ਲਈ ਬਹੁਤ ਲਾਭਦਾਇਕ ਹੋਵੇਗਾ ਅਤੇ ਹੁਣ ਉਹ ਇਸ ਵਿਰਾਸਤ ਨੂੰ ਅੱਗੇ ਲੈ ਕੇ ਜਾਵੇਗਾ।
